Steppe Cryptology Workshop (SCW) — криптология саласындағы іргелі математикалық зерттеулерді ақпараттық қауіпсіздік жүйелеріндегі қолданбалы жүзеге асырумен ұштастыруға бағытталған халықаралық ғылыми-практикалық воркшоп.
Қазіргі криптология бірнеше ғылым салаларының тоғысында дамып келеді: алгебра, сандар теориясы, логика, модельдер теориясы, сондай-ақ компьютерлік ғылымдар мен инженерия. Алайда тәжірибеде теориялық нәтижелер мен оларды нақты криптографиялық және қауіпсіздік шешімдеріне енгізу арасында алшақтық жиі байқалады. SCW осы алшақтықты жою үшін платформа қалыптастырып, математиктер, криптографтар, ақпараттық қауіпсіздік мамандары және әзірлеушілер арасында тікелей диалог орнатуға мүмкіндік береді.
Іс-шара Қазақстан Республикасы Ғылым және жоғары білім министрлігінің Ғылым комитетінің қаржылық қолдауымен өткізіледі (грант № AP26194247).
